Kapet me 13 mijë euro të padeklaruara, procedohet penalisht 31-vjeçari në Kakavijë

Policia Kufitare e Kakavijës ka proceduar penalisht një shtetas 31-vjeçar, pasi gjatë kontrollit në hyrje të vendit iu gjetën 13 200 euro të padeklaruara.

Sipas njoftimit zyrtar, shtetasi me inicialet H.J. akuzohet për veprën penale “Mosdeklarimi në kufi i të hollave dhe sendeve me vlerë”.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme hetimore.